Gəncədə erməni terroru qurbanlarının xatirəsi anılıb. Bu haqda 4 oktyabr tarixində Report-a istinadən məlumat veririk.
Nizami yurdunun ilk dəfə raket atəşinə tutulmasından üç il ötür. Bu səbəbdən anım mərasimi keçirilib. Tədbirə şəhər rəhbərliyi, idarə və təşkilatların rəhbərləri, polis əməkdaşları, təhsil işçiləri və digər ictimaiyyət nümayəndələri qatılıblar.
Erməni terroru nəticəsində şəhid olan mülki şəxslərin ruhuna hörmət olaraq, güllər düzülüb, dualar edilib.
Bundan başqa, Azərbaycanın İnsan Hüquqları üzrə Müvəkkili (Ombudsman) Vətən müharibəsi zamanı Ermənistanın Gəncəyə hücumunun üçüncü ildönümü ilə bağlı “X” hesabında paylaşım edib.
