Regional Gənclər və İdman İdarəsi və Gəncə Maarif Evinin birgə təşkilatçılığı ilə təlim baş tutub. Bu haqda 1 iyun tarixində Regional Gənclər və İdman İdarəsinə istinadən xəbər veririk.
"Rəqəmsal yaradıcı gənc" adlı qeyri-formal təlimin keçirilməsində məqsəd gənclərin informasiya-kommunikasiya texnologiyalarından səmərəli istifadəsinin təşviq edilməsidir. Tədbir Maarif Evində öz bacarıqları ilə fərqlənən, sosial aktiv, gəncliyə örnək olan gənc təlimçilərin çıxışları ilə təşkil olunub.
Təlim iki saat davam edərək, əsasən, sosial media alətlərindən düzgün və yaradıcı istifadə, mətnlərin hazırlanması, foto və video düzənləmələr hissəsindən ibarət olub. Kofe, çay fasiləsi təşkil edilərək gənclər arasında şəbəkələşmə imkanı yaradılıb. Təlimin sonunda aktiv iştirak edən iştirakçılara sertifikat təqdim olunub.
