Qazaxda şəhid ailəsi ziyarət olunub.
Qazax Rayon İcra Hakimiyyətinin başçısı Rəcəb Babaşov icra aparatının məsul şəxsləri ilə birlikdə Birinci Şıxlı kəndinə baş çəkib. Onlar Vətən müharibəsi şəhidi Nicat Nəsibovun atası Səməd Nəsibovu evində olublar. Qonaqlar böyrəyindən əməliyyat olunmuş şəhid atasının səhhəti ilə maraqlanıblar.
İcra başçısı Vətən müharibəsində Azərbaycanın adını bütün dünyaya tanıdan Nicat Nəsibov kimi oğullarımızla hər birimizin fəxr etdiyini qeyd edib. O, şəhid atasına Allahdan şəfa diləyib, tez zamanda sağlamlığına qovuşmasını arzulayıb.
Qeyd edək ki, Şəhid Nicat Nəsibov 3 oktyabr 1996-cı ildə Qazax rayonunun Birinci Şıxlı kəndində anadan olub. O, Vətən müharibəsi zamanı 27 oktyabr tarixində Füzuli-Cəbrayıl-Xocavənd rayonları istiqamətində gedən döyüşlərdə şəhidlik zirvəsinə ucalıb.
