Gəncədə qadınların toplantısı təşkil olunub. Bu haqda 4 oktyabr tarixində İcra Hakimiyyətinə istinadən xəbər veririk.
Azərbaycan Qadınlarının VI Qurultayının yerli toplantısı keçirilib. Tədbirdə İcra Hakimiyyəti başçısı Aparatının məsul əməkdaşları, şəhərin ictimai, siyasi, elm, təhsil və digər sahələrində çalışan qadınlar iştirak ediblər. Toplantıya ümumilikdə 30 fəal qadın qatılıb.
Burada erkən və qohum nikahları, ailədaxili məişət zorakılığı hallarının baş verməsi və bölgələrdə yaşayan qadınların üzləşdiyi problemlər müzakirə olunub.
Sonda iştirakçıların səsləndirilən problemlərin aradan qaldırılması istiqamətində təqdim etdikləri rəy və təkliflər dinlənilib.
Qeyd edək ki, Azərbaycan Qadınlarının I Qurultayından 25 il ötür.
