Vahid formadan istifadə edən məktəb kollektivlərinin sayı artır.
Gencexeber.az məlumat verir ki, bu barədə Gəncə-Daşkəsən Regional Təhsil İdarəsi paylaşım edib.
Bildirilib ki, Samux rayon Qədili kənd ümumi orta məktəbin kollektivi artıq vahid formadan istifadə edir. Bu yanaşmanın tətbiqi həm təhsilin keyfiyyətinə, həm də məktəbin ümumi atmosferinə təsir göstərən xüsusi amildir.
Müəllimlər vahid geyim forması ilə tədris prosesində daha peşəkar bir görünüşə sahib olurlar. Bu, həm şagirdlər, həm də valideynlər arasında müəllimlərin ciddiyyətini və nüfuzunu artıraraq, məktəb mühitində intizamın təmin edilməsinə kömək edir.
Qeyd olunub ki, Goranboy rayon Kəhrizli, Quşçular, Eyvazlılar kənd və Goranboy şəhər 2 nömrəli tam orta məktəbin müəllimləri də uzun illərdir ki, vahid formadan istifadə edirlər.
