Gəncə KOB İnkişaf Mərkəzi (KOBİM) tərəfindən tədbir təşkil olunacaq.
Gencexeber.az mərkəzə istinadən məlumat verir ki, "Yaşıl maliyyə: Ekoloji proyektlərin maliyyələşdirilməsi və risklərin idarə edilməsi" və "Sosial sahibkarlıqda maliyyə dayanıqlığı və kapital cəlbi" mövzularında təlimlər baş tutacaq. Birinci maarifləndirici təlimi sentyabrın 10-u saat 12:00-da, ikinci təlim həmin gün 16:00-da keçiriləcək.
Təlim zamanı Gəncə KOBİM-in peşəkar eksperti Cəfər Cəfərov aşağıdakı mövzularda söz açacaq:
- Ekoloji layihələrin hazırlanması və maliyyələşdirilməsi yolları;
- Ekoloji layihələrdə risk faktoru və həll yolları;
- Dünyada tətbiq olunan perspektiv ekoloji layihələr;
- Sosial sahibkarlıq subyektinə maliyyə cəlbi;
- Maliyyə cəlbinin davamlılığının təmin edilməsi;
- Sosial sahibkarlıqda maliyyənin idarəedilməsi və s.
İştirak etmək üçün (051) 919-64-80 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz.
Gəncə KOBİM tərəfindən göstərilən bütün xidmətlər ödənişsizdir.
