Gəncədə gənclər üçün onlayn təlimlər baş tutacaq. Bu haqda Gencexeber.az-a 10 iyul tarixində məlumat daxil olub.
PROGRO platforması “Peşəkar İnkişaf” üzrə onlayn təlimlərin qeydiyyatına start verib. Burada 30 yaşı tamam olmamış, orta və ya ali ixtisas təhsilli, iş axtaran, motivasiyalı və öz üzərində işləməyə meyilli gənclər iştirak edə bilərlər.
Təlimlər 17-29 iyul tarixlərində həftəiçi 14:00-16:00 aralığında onlayn formatda keçiriləcək. Məşğələlər karyera planlaması, təqdimat, tənqidi düşüncə, emosional zəka, şəxsi brendinq, CV, müsahibə, şəbəkələşmə, onlayn biznes və s. mövzuları əhatə edəcək.
Proqramda iştirak ödənişsizdir. Qatılmaq istəyən şəxslər 12 iyul tarixinədək link vasitəsilə qeydiyyatdan keçməlidirlər. Sonda gənclərə sertifikat təqdim olunacaq.
Qeyd edək ki, PROGRO Platforması BMT-nin İnkişaf Proqramı ilə Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin birgə əməkdaşlığı çərçivəsində yaradılmışdır və ABŞ Beynəlxalq İnkişaf Agentliyi (USAID) tərəfindən maliyyələşdirilir.
