Gəncədə universitet professorları üçün təlimlər keçirilib. Bu haqda 10 iyul tarixində ADAU-ya istinadən məlumat veririk.
Silsilə təlimlər Azərbaycan Dövlət Aqrar Universitetinin (ADAU) bütün fakültələrində professor-müəllim heyətinin peşəkar pedaqoji bacarıqlarının artırılması məqsədilə təşkil olunub. Seminarlar Keyfiyyət təminatı şöbəsinin rəhbərliyi altında baş tutub.
Təlimlər Maliyyə və iqtisadi nəzəriyyə kafedrasının assistentləri Təranə İsmayılova və Nərmin Məsimli tərəfindən “İnteraktiv tədris metodları” mövzusunda təşkil olunub. Burada passiv, aktiv və interaktiv tədris metodları haqqında ümumi məlumat verilib. Həmçinin interaktiv təlim metodlarından bəhs edən videoçarx nümayiş etdirilib.
