Gəncədə təlim keçirilib. Bu haqda Gencexeber.az-a 17 iyul tarixində məlumat daxil olub.
Tədbir "İnsan Hüquqları Təhsili: Gənc Fəallar və Hüquqşünaslar Gender Bərabərliyi naminə" layihəsi çərçivəsində təşkil olunub. Sessiya iştirakçıların məişət zorakılığının növləri, zorakılıq dairəsi, əsas hüquqi anlayışlar və məişət zorakılığı ilə bağlı mübarizə aparan qurumlar haqqında məlumatlandırılmasını hədəfləyib. Təlim “Kitab oxu” kafesində baş tutub və üç saat davam edib.
Qeyd edək ki, "İnsan Hüquqları Təhsili: Gənc Fəallar və Hüquqşünaslar Gender Bərabərliyi naminə" layihəsi Avropa İttifaqının maliyyə dəstəyi və BMT-nin İnsan Hüquqları üzrə Ali Komissarlığının (OHCHR) icra etdiyi “Azərbaycanda Həssas Qrupların Hüquqlarının Müdafəsi” proqramı çərçivəsində “Gender Hub Azərbaycan” və “ELSA Azərbaycan” təşkilatları tərəfindən həyata keçirilir.
