Gəncədə Nizamişünasın ildönümü qeyd olunub. Bu haqda 14 iyul tarixində Kəpəz televiziyasına istinadən məlumat veririk.
Alim Xəlil Yusiflinin anadan olmasının 88-ci ildönümü münasibətilə onun “Nizami və Şərq İntibahı” monoqrafiyasının təqdimatı keçirilib. Tədbir AMEA-nın Gəncə bölməsinin Nizami Gəncəvi Mərkəzinin təşkilatçılığı ilə reallaşıb. Burada “Şöhrət” ordenli professor Azərbaycan ədəbiyyatı tarixinin qədim və orta əsrlər dövrünün ən yaxşı bilicilərindən biri kimi xarakterizə edilib. Onun həmmüəllifliyi ilə ərsəyə gələn dərsliklərin orta məktəblərdə istifadəsindən danışılıb. Əməkdar elm xadimi olan Xəlil Yusiflinin həyat yolundan bəhs edilib və yaradıcılığında Nizami dühasının araşdırılmasının əsas xətt olması diqqətə çatdırılıb.
