Gəncədə “Nizami Günləri” layihəsi başa çatıb.
Gencexeber.az Mədəniyyət Nazirliyinə istinadən məlumat verir ki, proyekt çərçivəsində 5 gün boyunca silsilə tədbirlər təşkil olunub. Layihənin təntənəli bağlanış mərasimində Nizami məqbərəsinin önündə görkəmli bəstəkar, Xalq artisti Əfrasiyab Bədəlbəylinin "Nizami" operası nümayiş etdirilib.
Səhnə əsəri Azərbaycan Dövlət Akademik Opera və Balet Teatrı və Fikrət Əmirov adına Gəncə Dövlət Filarmoniyası tərəfindən təqdim olunub. "Nizami" operasında Əməkdar artistlər Ramil Qasımov (Nizami), İnarə Babayeva (Rəna), Tural Ağasıyev (Lal), solistlər Mahir Tağızadə (Atabəy), Taleh Yahyayev (Qızıl Arslan), Elmir Rüstəmov (Sərkərdə) çıxış ediblər.
Qeyd edək ki, tamaşanın quruluşçu rejissoru Əməkdar artist İnarə Babayeva, dirijoru Əməkdar artist Əyyub Quliyev, xormeysteri Əməkdar incəsənət xadimi Sevil Hacıyeva, quruluşçu baletmeysteri Əməkdar artist Yuriy Lobaçevdir.
“Nizami Günləri” layihəsi möhtəşəm atəşfəşanlıqla yekunlaşıb.
[modula id="65182"]
