Gəncədə vətəndaş qəbulu baş tutub. Bu haqda 5 iyul tarixində İcra Hakimiyyətinə istinadən məlumat veririk.
İcra başçısı Niyazi Bayramov Zülfüqar Məmmədov küçəsində sakinlərlə görüşüb. Onunla yanaşı, tədbirdə millət vəkili Müşfiq Cəfərov, Yap Gəncə şəhər təşkilatının sədri, bələdiyyə sədrləri, Gəncə Şəhər İcra Hakimiyyəti başçısı Aparatının məsul əməkdaşları, idarə, müəssisə və təşkilat rəhbərləri iştirak ediblər.
Sakinlər onları narahat edən məsələləri səsləndiriblər. Müraciətlər arasında küçələrə asfalt örtüyünün salınması, müəyyən yerlərdə işıqforların quraşdırılması, fərdi evin sənədlərinin rəsmiləşdirilməsi, maddi yardımın göstərilməsi və s. məsələlər üstünlük təşkil edib. Problemlərin aradan qaldırılması üçün müvafiq tapşırıqlar verilib. Müraciətlərin bir çoxu yerindəcə həllini tapıb.
