Gəncədə Vətən müharibəsi iştirakçısı ziyarət olunub. Bu haqda 5 avqust tarixində İcra Hakimiyyətinə istinadən məlumat veririk.
Söhbət qazi Aslan Zeynalovdan gedir. O, səhhətində yaranan problemlə əlaqədar olaraq xəstəxanaya yerləşdirilib. Şəhər rəhbəri Niyazi Bayramov Vətən müharibəsi iştirakçısına burada baş çəkib. Görüşdə YAP Gəncə şəhər təşkilatının sədri Bayram Aslanov, Kəpəz Bələdiyyəsinin sədri Yaşar Abdullayev, “Gəncə Şəhər Birləşmiş Xəstəxanası”nın direktoru İlkin İsmayılov və İcra Hakimiyyəti başçısı Aparatının məsul əməkdaşları iştirak ediblər.
Niyazi Bayramov Aslan Zeynalovun səhhəti və müalicəsi ilə maraqlanıb, bununla bağlı aidiyyəti üzrə tapşırıqlar verib.
Qeyd edək ki, Aslan Yevgeniyeviç Zeynalov 2020-ci ildə könüllü olaraq Vətən müharibəsində iştirak edib. Murovdağ istiqamətində gedən döyüşlərdə ağır yaralanıb. II dərəcəli Vətən müharibəsi əlilidir. Atası Yevgeni Xanlar oğlu Zeynalov isə I Qarabağ müharibəsində şəhid olub.
