Gəncədə festival üçün seçimlər təşkil olunur. Bu haqda 5 iyul tarixində Kəpəz televiziyasına istinadən məlumat veririk.
Heydər Əliyevin anadan olmasının 100 illik yubileyi münasibətilə Uşaq İncəsənət Festivalı keçirilir. Tədbirin ikinci seçim mərhələsi başlayıb. Festival üç yaş qrupu üzrə reallaşıb.
Seçim mərhələsinin ilk turunda xalq çalğı alətləri və fortepiano üzrə şagirdlərin istedadı yoxlanılıb. Çıxışları münsiflər heyəti tərəfindən dəyərləndirilənlər final mərhələsində iştirak hüququ qazanıblar.
Sentyabrda Bakıda keçiriləcək son turun yekununa əsasən, ən çox təmsil olunan və fəallıq göstərən şəhər və ya rayon növbəti il festivala ev sahibliyi hüququ qazanacaq.
