Gəncə Regional Mərkəzində müşavirə təşkil edilib. Bu haqda 27 aprel tarixində FHN-ə istinadən xəbər veririk.
Müşavirə Azərbaycan Respublikasının fovqəladə hallar naziri general-polkovnik Kəmaləddin Heydərovun rəhbərliyi ilə keçirilib. Burada Regional Mərkəzin fəaliyyəti ilə bağlı məsələlər müzakirə olunub, məruzələr dinlənilib.
Daha sonra nazir Regional Mərkəzin fəaliyyətinin daha da təkmilləşdirilməsi istiqamətində həlli zəruri məsələləri qeyd edib, müvafiq tapşırıqlar verib. Müşavirədə Nazirliyin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarənin rəisi Vidadi Məmmədov, FHN-in Gəncə Regional Mərkəzinin rəisi polkovnik Elnur Məhərrəmov və mərkəzin aidiyyəti vəzifəli şəxsləri iştirak ediblər.
