Gəncədə muğam qrupunun konserti təşkil olunacaq.
Gencexeber.az Şəhər İcra Hakimiyyətinə istinadən xəbər verir ki, Xalq artisti, tarzən Malik Mansurovun rəhbərliyi ilə “Naz-Nazı” muğam qrupunun konserti baş tutacaq. “Bakıdan Gəncəyə” layihəsi çərçivəsində təşkil olunacaq tədbir sentyabrın 30-u saat 19:00-da keçiriləcək.
Konsertdə “İz” və “Yari-pünhan” kompozisiyaları, xalq mahnıları “Xumar oldum” və “Dağların başı”, “Gül dəstəsi” xalq rəqsi, “Qarabağ şikəstəsi”, “Çahargah dəramədi” səsləndiriləcək.
Tədbirə biletləri Filarmoniyanın kassasından, həmçinin iticket.az saytından əldə etmək olar.
