Regional Gənclər və İdman İdarəsi və Gəncə Gənclər Evinin birgə təşkilatçılığı ilə tədbir keçirilib. Bu haqda 27 may tarixində Regional Gənclər və İdman İdarəsinə istinadən xəbər veririk.
Gənclər arasında vətənpərvərlik, dövlətçilik, milli-mənəvi və ümumbəşəri dəyərlərə hörmət hisslərinin yüksək səviyyədə aşılanması məqsədi ilə Azərbaycan Xalq Cümhuriyyəti Muzeyinin binasında tədbir olub.
“Müstəqilliyin zirvəsində” adlı tədbir 28 May - Müstəqillik Gününə həsr edilib. Rəsmi hissədə cıxış edən natiqlər Müstəqillik Gününün Azərbaycan xalqının tarixində ən şanlı və parlaq səhifələrdən biri olduğunu qeyd ediblər.
Tədbirin rəsmi hissəsindən sonra gənclər Azərbaycan Xalq Cümhuriyyəti dövrünə aid eksponatlarla və həmin dövrə aid tarixi məlumatlarla tanış olublar.
