Gəncədə musiqi tədbiri baş tutacaq. Bu haqda 14 avqust tarixində Filarmoniyaya istinadən məlumat veririk.
Proqram Gəncə Dövlət Filarmoniyasında keçiriləcək. Burada “Musiqinin gücü” adlı layihə təşkil olunacaq. Tədbirlər 18-20 sentyabr tarixlərində baş tutacaq. Layihə Milli Musiqi Gününə həsr ediləcək.
Burada Gəncə Dövlət Filarmoniyasının Kamera Orkestri, Xalq Çalğı Alətləri Ansamblı və Gəncə-Daşkəsən Regional Mədəniyyət İdarəsinin nəzdində fəaliyyət göstərən musiqi məktəblərinin konsert proqramları təqdim olunacaq.
Layihənin əsas məqsədi klassik musiqini, milli dəyərlərimizi təbliğ və insanların asudə vaxtının səmərəli keçməsinə xidmət etməkdir.
