Gəncədə Beynəlxalq Narkomaniya və Narkobiznesə Qarşı Mübarizə Günü ilə əlaqəli tədbir olub. Bu haqda 25 iyun tarixində Mərkəzləşdirilmiş Kitabxana Sisteminə istinadən xəbər veririk.
24 saylı Kitabxanada baş tutan tədbirdə "Müasir gənclik və narkomaniya" mövsuzunda danışılıb. Burada dünyanı cənginə alan ağ ölüm adlanan narkomaniya haqqında ətraflı məlumat verilib.
Daha sonra kitabxana müdiri Rahilə Qasımova çıxışında narkomaniyanın cəmiyyət üçün çox təhlükəli olduğunu, ailələrin məhvinə gətirib çıxardığını vurğulayıb. Sonda narkomaniya haqqında videoçarx nümayiş etdirilib və iştirakçıların sualları kitabxanaçı tərəfindən cavablandırılıb.
