Gəncədə təmizlik aksiyası baş tutub. Bu haqda 28 mart tarixində MKTİB-yə istinadən məlumat veririk.
Mənzil Kommunal Təsərrüfatı İstehsalat Birliyinin işçi qüvvəsi və texnikaları Comərd Qəssab türbəsi və ətrafını məişət tullantılarından, alaq otlarından və yolboyu vətəndaşlar tərəfindən ora atılan təmir-tikinti qalıqlarından təmizləyiblər. Yığılan tullantılar ərazidən daşınıb. Aksiya Gəncə Alüminium Zavodunun və Comərd Qəssab türbəsinin ərazilərində, həmçinin Dubay bazarı adlanan ərazidə təşkil olunub.
MKTİB əhaliyə və sahibkarlıq subyektlərinə xəbərdarlıq edərək bildirir ki, təmir-tikinti və torpaq kütləsini Comərd Qəssab türbəsinə gedən yolun ətrafına atmasınlar. Əks halda həmin şəxslər aşkar olunaraq qanunvericiliyə uyğun olaraq inzibati məsuliyyətə cəlb ediləcəklər.
