“Kürü keçək?!” adlı açıq suda üzmə yarışı keçiriləcək. Çempionat su idmanı növlərinin təbliği, daha geniş yayılması və inkişaf etdirilməsi məqsədilə baş tutacaq.
Turnir Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkəti ilə birlikdə təşkil ediləcək.
Gencexeber.az Gənclər və İdman Nazirliyinə istinadən xəbər veririk ki, yarış Kür çayının Mingəçevir şəhərindən keçən hissəsində təşkil ediləcək. Turnirə peşəkarlar və həvəskarlar qatılacaqlar. Onlar 300 metr məsafə qət etməli olacaqlar.
Yarışa qoşulmaq arzusunda olan şəxslər öncədən qeydiyyatdan keçməlidirlər. Bunun üçün heç bir ödəniş tələb olunmur. Yerlər məhduddur və iştirakçı sayı nəzərdə tutulmuş həddə çatdıqda qeydiyyat dayandırılacaq.
İştirakçıların nəqliyyat və qidalanması təşkilatçılar tərəfindən təmin ediləcək. Qaliblərə müvafiq diplom, medal və hədiyyələr təqdim olunacaq.
“Sən də Kürü keçənlərdən ol” şüarı ilə keçiriləcək yarışa qoşulmaq istəyənlər avqustun 28-i saat 12:00-dək aşağıdakı linkə daxil olaraq qeydiyyatdan keçə bilərlər:
