Gəncə şəhər 19 saylı kitabxana filialında jurnalistika ilə bağlı tədbir keçirilib. Bu haqda 21 iyul tarixində Regional Mədəniyyət İdarəsinə istinadən xəbər veririk.
“Azərbaycan mətbuatının keçdiyi zəngin və şərəfli inkişaf yolu” başlığı altında tədbir Milli Mətbuat və Jurnalistika Günü münasibətilə baş tutub. Burada Vətən müharibəsi şəhidlərinin xatirəsi bir dəqiqəlik sükutla yad edilib.
Daha sonra görkəmli jurnalist Həsən bəy Zərdabinin 22 iyul 1875-ci ildə nəşr etdirdiyi “Əkinçi” qəzeti ilə əsası qoyulmuş Azərbaycan milli mətbuatının bütün dövrlərdə həqiqət carçısı olmasından, milli və bəşəri dəyərlərdən bəhs edilib. “Azərbaycan mətbuatının keçdiyi zəngin və şərəfli inkişaf yolu” adlı videoçarx nümayiş olunub.
