Abdulla Surun anadan olmasının 140 illiyi və Milli Mətbuatın 148-ci ildönümünə həsr edilən dəyirmi masa keçirilib. Bu haqda 22 iyul tarixində Kəpəz.az xəbər verib.
Azərbaycan Milli Elmlər Akademiyasının Gəncə bölməsində baş tutan tədbirdə Abdulla Surun həyatından və yaradıcılığından məlumat verilib.
Tədbirdə “Gəncənin səsi” qəzetinin baş redaktoru Rəfiqə Sadıqova, Əməkdar jurnalist Nüşabə Əsəd Məmmədli, AMEA Gəncə Bölməsinin Nizami Gəncəvi Mərkəzinin direktoru Əlimuxtar Muxtarov gəncəli tənqidçi haqqında söz açıblar.
Türkiyədə təhsil almış Abdulla Sur Gəncəyə qayıdıb və Xeyriyyə Məktəbində 17 yaşında müəllimliyə başlayıb. O, müəllimliyi dövründə Azərbaycanımız üçün çox dəyərli şəxslər yetişdirib.
Abdulla Sur 1912-ci il may ayının 8-də 29 yaşında ağır xəstəlikdən sonra Tiflisdə dünyasını dəyişib və Gəncə Səbiskar qəbiristanlığında dəfn olunub.
