Gəncədə təmizlik aksiyası təşkil olunub. Bu haqda 19 iyul tarixində MKTİB-yə istinadən məlumat veririk.
İməcilik "İmamzadə ziyarətgah kompleksi”ndə həyata keçirilib. Məhərrəm ayında ziyarətgaha gələn sakinlərin və şəhərimizin qonaqlarının rahatlığının təmin olunması məqsədilə MKTİB-nin canlı qüvvəsi və texnikası təmizlik, eləcə də abadlıq işləri aparıb. Kompleksin ərazisində alaq otları biçilib, mövcud yaşıllıq massivinə aqrotexniki qulluq göstərilib, suvarılması təmin edilib, suvarma kanalları lil və alaq otlarından təmizlənib.
Bundan başqa, daş, qum, torpaq qalıqları və məişət tullantıları yığılaraq daşınıb. Ziyarətgahın gecə işıqlandırılmasının təmin edilməsi məqsədilə mövcud nasazlıqlar aradan qaldırılıb.
