Gəncədə növbəti əmək yarmarkası keçiriləcək. Bu haqda 18 iyul tarixində Məşğulluq Agentliyinə istinadən məlumat veririk.
Tədbir Dövlət Məşğulluq Agentliyinin Gəncə-Daşkəsən Regional Məşğulluq filialının dəstəyi ilə 20 iyul 11:00-da baş tutacaq. Burada 80 müəssisə tərəfindən 800-dən çox vakansiyanın təqdim olunması nəzərdə tutulub.
Yarmarkaya gələn şəxslər şəxsiyyət vəsiqələrini təqdim etməlidirlər. Namizədlərin CV nümunəsi ilə birlikdə gəlmələri arzuolunandır.Əgər CV yoxdursa, Dövlət Məşğulluq Agentliyinin CV Yarat platformasından (www.cvyarat.az) yararlanmaq olar. Burada qeydiyyatdan keçməklə lazımi xanalara məlumatlarınızı əlavə edib, öz CV-nizi PDF formatında əldə edə bilərsiniz.
Qeyd edək ki, yarmarka Cavad xan küçəsi, 79 (F.Əmirov adına Gəncə Dövlət Filarmoniyası) ünvanında təşkil olunacaq.
