Gəncədə Sağlamlığın qorunması ilə bağlı maarifləndirici tədbir baş tutub. Bu haqda 27 aprel tarixində Kəpəz televiziyasına istinadən xəbər veririk.
Şəhər Gigiyena və Epidemiologiya Mərkəzində “Mənim sağlamlığım mənim hüququmdur” mövzusunda tədbir keçirilib. Burada əhalinin sağlamlığının qorunması və möhkəmləndirilməsi istiqamətində dövlət tərəfindən görülən mühüm işlərdən danışılıb. Aparılan müayinə və müalicələrlə yanaşı, hər kəsin şəxsi sağlamlığına diqqət etməli olduğu vurğulanıb.
Tədbirdə, həmçinin zərərli vərdişlərdən çəkinməyin önəmi qeyd edilib. Aparılan maarifləndirmə işlərinin vacibliyi önə çəkilib. GEM-in şöbə müdirinin sözlərinə görə, əhali öz sağlamlığının qorunması üçün vaxtında tibbi müayinələrdən keçməlidir.
