Gəncədə sertifikasiya ilə bağlı təlimlər start götürəcək. Bu haqda 30 mart tarixində Elm və Təhsil Nazirliyinə istinadən məlumat veririk.
Gəncə-Daşkəsən regionu üzrə ixtisasartırma təlimləri aprelin 1-dən başlayır. Təhsil İnstitutunun təşkil etdiyi məşğələlərin məqsədi sertifikatlaşmada təkrar iştirak edəcək təhsilverənlərə dəstəkdir.
48 saatlıq ixtisasartırma təlimləri ibtidai təhsil səviyyəsində Azərbaycan dili və riyaziyyat fənləri üzrə keçiriləcək. Burada sertifikatlaşmada yüksək nəticə göstərən müəllimlərin də təlimçi kimi fəaliyyət göstərmələrinə şərait yaradılacaq.
