Məktəblilər Gəncə Regional Voleybol Klubunun məşqlərinə qatılırlar. Bu haqda 27 aprel tarixində Kəpəz televiziyasına istinadən xəbər veririk.
Noyabr ayının əvvəlindən Gəncə Regional Voleybol Klubu fəaliyyətə başlayıb. Burada mütəxəssislər tərəfindən şəhərimizin məktəblərində seleksiya işi aparılıb. Nəticədə 2000-dən çox uşaqdan 500-ə yaxın oğlan və qız aktiv voleybol məşqlərinə cəlb edilib. Regional Voleybol Klubunun direktorunun sözlərinə görə, artıq şəhərdə 5 mərkəz fəaliyyət göstərir, orada mütəmadi məşqlər keçirilir.
Regional Voleybol Klubu yalnız Nizami yurdunu əhatə etmir. Bölgənin 15 şəhər və rayonunda bu idman növü ilə məşğul olmaq istəyənlər üçün məşqlər təşkil edilib. “Məqsədimiz regionda voleybolun inkişafıdır”, - deyə Regional Voleybol Klubunun direktoru Sərxan Məmmədov qeyd edib.
