Gəncədə məktəblərin birində tədbir keçirilib. Bu haqda 26 aprel tarixində Regional Təhsil İdarəsinə istinadən məlumat veririk.
Mülki müdafiə ilə bağlı maarifləndirici tədbir 28 nömrəli tam orta məktəbdə baş tutub. Görüşdə Fövqəladə Hallar Nazirliyinin Gəncə Regional Mərkəzinin nümayəndələri, İcra Hakimiyyəti başçısı Aparatının Şəhərin mədəni irsinin qorunması şöbəsinin müdiri Yadigar Bədəlov və şəhər üzrə təhsil sektorunun müdiri Nərgiz Həsənova, ümumtəhsil məktəblərinin direktorları, şagirdlər və digər qonaqlar iştirak ediblər.
Burada fövqəladə hallar zamanı onun aradan qaldırılması istiqamətində tədbirlərdən danışılıb. Həmçinin təlim keçirilib. Məşğələ zamanı şərti yanğın məkanından müəllimlər və şagirdlər təxliyə olunublar. “Xəsarət alanlara” səhra tibb məntəqəsində ilkin yardım göstərilib. Yanğınsöndürənlər “alovu” digər tikililərə keçmədən “söndürüblər”. Sonda məktəblilər nizami addımlarla keçid ediblər.
