Nizami yurdunun 3 məktəblisi kikboksinq üzrə Mingəçevir açıq birinciliyində medallar qazanıb. Bu haqda 20 fevral tarixində xəbər veririk.
33 nömrəli tam orta məktəbin şagirdləri - 7b sinif şagirdi Tahir Tağıyev, 8b sinif şagirdi Səyyad Həsənov və 7a sinif şagirdi Altun Mirzəyev Mingəçevirdə şəhid qardaşlar Əli və İslam Əhmədovların xatirəsinə həsr olunmuş kikboksinq turnirində iştirak ediblər.
Turnirin yekununda Tahir Tağıyev 2009-2010 təvəllüdlü idmançılar arasında 37 kq çəki dərəcəsində II yer tutduğuna görə, Səyyad Həsənov 2007-2008 təvəllüdlü idmançılar arasında 71 kq çəki dərəcəsində II yer tutduğuna görə, Altun Mirzəyev isə 2009-2010 təvəllüdlü idmançılar arasında 42 kq çəki dərəcəsində I yer tutduğuna görə təltif ediliblər.
