Gəncədə qazılmış ərazi təmir olunmur.
Gencexeber.az-a daxil olan məlumata əsasən, sözügedən hal şəhərin Gülüstan qəsəbəsi, Bülbül küçəsində müşahidə edilir. Ərazidə yaşayan sakinlər bildirirlər ki, 12 nömrəli tam orta məktəbin yaxınlığında piyada səkisində elektrik xəttinin təmiri üzrə işlər görülüb. Lakin bir aydan çoxdur ki, qazılmış hissənin üstü örtülməyib.
“Burada müəyyən təmir işlərinin aparılması üçün səki qazıldı. Amma artıq uzun müddətdir ki, həmin ərazi əvvəlki vəziyyətinə qaytarılmır. Uşaqlar bu yol ilə məktəbə gedib-gəlirlər. Məcbur olurlar avtomobil yoluna düşməyə. Bu da onların həyatı üçün təhlükə yaradır. Aidiyyəti qurumların məsələnin həlli üçün tədbir görməsini istəyirik”, - deyə sakinlər qeyd ediblər.
