Gəncədə təlim baş tutub. Bu haqda 31 iyul tarixində Regional Təhsil idarəsinə istinadən məlumat veririk.
Tədbir “Məktəbəqədər təhsil müəssisələrinin əməkdaşlarının uşaqyönümlü yanaşması, uşaqlarla davranış qaydalarının mənimsənilməsi və uşaq müdafiəsi sisteminin tətbiqi” layihəsi çərçivəsində keçirilib. Burada məktəbəqədər təhsil müəssisələrinin müəllimləri iştirak ediblər.
Təlim uşaqyönümlü yanaşma, uşaqlarla davranış qaydalarının tətbiqi üzrə metodik vəsaitdə əks olunan mövzular əhatə edilmiş xüsusi proqram üzrə keçirilib.
İştirakçılara, əsasən, “Uşaqyönümlü yanaşmada qanunvericilik”, “Uşaq bağçalarında davranış strategiyaları, dünya təcrübəsində etik standartlar”, “Uşaqların yaş və inkişaf dövrləri”, “Müəssisə dövründə olan uşaqların təməl ehtiyaclarına yanaşma”, “Uşaqların təhsil müəssisəsinə adaptasiyasında bağça kollektivinin öhdəlikləri”, “Uşaqlara qarşı zorakılığın aşkarlanması”, “Bağça-uşaq-valideyn üçbucağı”, “Sosial psixoloji reabilitasiya və yönləndirmə xidmətləri”, “İnküluziv təhsilə adaptasiya”, “Uşaq qaynar xətt xidməti” və digər mövzular barədə danışılıb.
