Gəncədə şagirdlərin psixoloji problemləri ilə bağlı görüş keçirilib. Bu haqda 23 fevral tarixində Regional Təhsil İdarəsinə istinadən məlumat veririk.
“Şagirdlərin psixoloji problemlərinin yaranmasına cəmiyyətin təsiri” mövzusunda baş tutan tədbirdə Regional Təhsil İdarəsinin müdiri Anar Qədiməliyev, Karadeniz Teknik Universitetinin professoru, MEM Psixologiya mərkəzlərinin qurucusu, MEM Bakı mərkəzinin həmtəsisçisi, Personal360 testlərinin müəllifi doktor Mehmet Palancı, ümumtəhsil məktəblərinin direktorları, məktəb psixoloqları və ibtidai sinif müəllimləri iştirak ediblər.
Məqsəd ümumi təhsil müəssisələri üzrə sağlam sosial-emosional mühitin səmərəli təşkili və şagirdlərin şəxsiyyət kimi formalaşmasında psixoloq fəaliyyətini daha da artırmaqdan ibarət olub. Tədbirdə Mehmet Palancı Ennegram təhsil tətbiqlərinin hazırlanması ilə bağlı öz təcrübəsini bölüşüb.
