Gəncədə yaradıcılıq gecəsi keçirilib. Bu haqda 5 iyun tarixində Kəpəz Müstəqil Teleradio Şirkətinə istinadən məlumat veririk.
Azərbaycan Milli Konservatoriyası nəzdindəki Musiqi Kollecinin təşkil etdiyi konsert Məhsəti Gəncəvi muzeyində baş tutub. Ulu öndər Heydər Əliyevin 100 illik yubileyinə həsr olunan tədbirdə orta-ixtisas təhsili müəssisəsinin şagirdləri yerli və xarici musiqiləri təqdim ediblər.
Burada instrumental ifaçılıq, xanəndəlik, vokal sənəti, xor dirijorluğu, musiqi nəzəriyyəsi və xalq çalğı alətləri ifaçılığı kimi ixtisasların olduğu təhsil ocağının təmsilçiləri sırasında respublika və beynəlxalq müsabiqələrdə iştrak etmiş gənclər yer alıblar.
Onların təqdimatında tarda solo ifalar, muğamlar, Azərbaycan, eyni zamanda dünya bəstəkarlarının əsərlərindən nümunələr alqışlarla qarşılanıb.
