Azərbaycan Respublikasının Məhkəmə - Hüquq Şurası, Mediasiya Şurası və Gəncə 1 saylı mediasiya təşkilatı tərəfindən tədbir keçirilib. Bu haqda 16 avqust tarixində Kəpəz televiziyasına istinadən xəbər veririk.
Konfrans “Ailə və əmək mübahisələrində barışıq sazişlərinin keyfiyyətli məzmununun formalaşmasında məhkəmələrin rolu” mövzusunda təşkil edilib. Tədbirə məhkəmə sədrləri, hakimlər və mediatorlar qatılıblar.
Görüşün məqsədi mediasiya təşkilatları və mediatorlar tərəfindən tərəflərin iştirakı ilə imzalanan barışıq sazişlərinin keyfiyyətli məzmununu müzakirə etmək və barışıq sazişlərinin qanunvericiliyin tələbləri çərçivəsində hazırlanması və imzalanmasını təşviq etmək olub.
Tədbirdə qeyd edilib ki, mediasiya prosesləri zamanı mediatorlar və mediasiya təşkilatları tərəfindən görülən işlər təqdirəlayiqdir və bu sahədə keyfiyyətin artırılması, eyni zamanda, qarşılıqlı əməkdaşlıq olduqca zəruridir.
