Gəncədə qanvermə aksiyası keçirilir. Bu haqda 20 iyul tarixində Kəpəz televiziyasına istinadən xəbər veririk.
Mərkəzi Qan Bankının Gəncə Bölməsində məhərrəm ayının başlaması ilə əlaqədar "Qan ver, yaşat" adlı aksiya təşkil olunur. Vətəndaşlar bölməyə gələrək qan verə bilərlər. Donor olan şəxslərdə infarkt riski azalır, ürək xəstəliklərinə daha az rast gəlinir, təzyiq normal olur. Bildirilir ki, 18-65 yaş arası olan hər bir qadın ildə üç dəfə, kişilər isə 4 dəfə qan verə bilərlər.
MQB-nin Gəncə bölməsinin müdiri Vüsalə Əhmədovanın sözlərinə görə, ölkəmizdə qanvermə könüllü və təmənnasızlıq prinsipi ilə keçirilir. Qan bankının hər zaman qana ehtiyacı var. Saxlama müddəti az olduğundan qan daim yenilənməlidir.
