Gəncədə kommunal qəza baş verib. Bu haqda Gencexeber.az-a 26 aprel tarixində məlumat daxil olub.
Hadisə Əli Quliyev küçəsində qeydə alınıb. Adıçəkilən ərazidə kanalizasiya quyusu daşır. Nəticədə çirkab küçə boyunca axaraq, xoşagəlməz qoxu əmələ gətirir.
Sakinlərin sözlərinə görə, suyun axını Firudin Qurbanəliyev və Təbriz küçələrinə qədər davam edir. Onlar bildiriblər ki, sözügedən hal artıq 10 gündür davam edir.
