Gəncədə daha bir tədbir keçirilib. Bu haqda 12 oktyabr tarixində KOBİM-ə istinadən xəbər veririk.
"Biznes qurumlarında gəlir və mənfəət vergisi" mövzusunda maarifləndirici təlim baş tutub. Tədbirdə 8 nəfər iştirak edib. Burada gəlir və mənfəət hesabatının təqdim olunması üçün bəyannamələrin hazırlanma qaydası, mənfəət və gəlir vergisinin hesablanma qaydası, gəlirlərdən çıxılan və çıxılmayan xərclər, illik gəlir və mənfəət bəyannamələrinin hazırlanması haqqında bəhs edilib.
Bundan əlavə, KOBİM-in eksperti iştirakçılara biznes qurumlarında gəlir və mənfəət vergisi, BTP bəyannamə tərtibi proqramının hazırlanması və dövlət orqanlarına göndərilməsi barədə ətraflı məlumat verib.
Maarifləndirici təlim Kiçik və Orta Biznesin İnkişafı Mərkəzi tərəfindən təşkil olunub.
Qeyd edək ki, KOBİM tərəfindən göstərilən bütün xidmətlər ödənişsizdir.
