Kiçik sahibkar və sahibkar olmaq istəyən şəxslər üçün maarifləndirici tədbir təşkil olunub. Bu haqda 17 mart tarixində Gəncə KOB İnkişaf Mərkəzinə istinadən xəbər veririk.
Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Vergi problemləri və onun həlli yolları" mövzusunda maarifləndirici təlim keçirilib.
Təlimdə Gəncə KOBİM-in eksperti tərəfindən vergi tutmanın əsasları, vergi uçotu və vergi yoxlamaları və müəssisələrin qarşılaşdığı vergi problemləri və onların həlli yolları ilə bağlı məlumat verilib. Eyni zamanda 15 nəfər iştirakçının olduğu təlimdə vergi ödəyicilərinin uçotu, kameral vergi yoxlaması, səyyar vergi yoxlaması, operativ vergi nəzarəti barədə danışılıb. Sonda iştirakçıların mövzu ilə bağlı sualları cavablandırılıb.
Qeyd edək ki, Gəncə KOBİM tərəfindən göstərilən bütün xidmətlər ödənişsizdir.
