Həftəsonunu maraqlı və maarifləndirici keçirmək məqsədilə “Teatrkinoxoyski” kino gecəsi keçirəcək. Bu haqda 1 fevral tarixində “Teatrkinoxoyski”yə istinadən xəbər veririk.
Kino günündə “Terminal” filmi təqdim olunacaq. Film 5 fevral saat 12:00-da ingilis dilində nümayiş olunacaq.
Filmin qısa icmalını sizə təqdim edirik: Krakoziya (Кракозия və ya Кракожия) adlı qondarma dövlətdən ABŞ-yə səyahət edən Viktor Navorski (Tom Henks) yalnız Nyu-Yorkun Con Kennedi adına hava limanına çatarkən anlayır ki, doğma vətənində qəfil vətəndaş müharibəsi başladığına görə artıq onun pasportu etibarlı deyil. Nəticədə ABŞ Krakoziyanı suveren dövlət kimi tanımır və indi Viktor vətəndaşlığı olmayan şəxs olduğuna görə ona nə ölkəyə daxil olmağa, nə də evinə qayıtmağa icazə verilir.
Biletin qiyməti 3 manatdır. Biletləri “Turş Cafe”dən əldə edə bilərsiniz. Həmçinin 055 936 30 17 nömrəsinə zəng edərək sifariş edə bilərsiniz. Kafe Vaqif küçəsi, 160 ünvanında yerləşir.
