Gəncədə seminar-müşavirə keçirilib. Bu haqda 26 iyul tarixində Mərkəzi Seçki Komissiyasına istinadən xəbər veririk.
Seminar-müşavirə 2024-cü il sentyabrın 1-nə təyin edilmiş Milli Məclisə növbədənkənar seçkilərlə əlaqədar Mərkəzi Seçki Komissiyasının Daxili İşlər Nazirliyi (DİN) ilə birgə layihəsi çərçivəsində olub. 2-ci polis şöbəsində olan tədbirdə Milli Məclisə seçkilərin hazırlanıb keçirilməsində, seçkiqabağı təşviqat dövründə, habelə səsvermə günü və ondan sonrakı proseslərdə polis əməkdaşlarının qanunvericiliklə müəyyənləşdirilmiş rol və vəzifələrindən danışılıb.
Mərkəzi Seçki Komissiyası Katibliyinin müdiri İlqar Əlizadə tədbirdə seçki subyektləri, onların hüquq və vəzifələri, seçki subyektlərinin fəaliyyətinə qanunsuz müdaxilənin yolverilməzliyi mövzusunda çıxış edib. Sonda suallar cavablandırılıb.
