Gəncədə kəsişmələrin birində yolun təmirsiz olması sürücüləri narahat edir. Bu haqda Gencexeber.az-a 26 iyul tarixində məlumat daxil olub.
Söhbət Cavad Rəfibəyli ilə Təbriz küçələrinin kəsişməsindən (16 nömrəli orta məktəbin yanı) gedir. Burada avtomobil yolunun təmirə ehtiyacı var. Yolda çökəkliklər əmələ gəlib. Sürücülərin sözlərinə görə, sözügedən vəziyyət avtomobili idarə etməkdə çətinlik yaradır.
“Yoldakı çöküntülər avtomobillərə ziyan vurur. Buradan keçərkən çalışırıq ki, maşının altı dəyməsin”, – deyə sürücülər bildiriblər. Onlar kəsişmədə yolun təmir olunmasını istəyirlər.
