Gəncədə avtomobil yollarından birinin müəyyən hissəsi yararsız haldadır. Bu haqda Gencexeber.az-a 17 may tarixində məlumat daxil olub.
Söhbət Məhəmməd Füzuli küçəsi ilə Atatürk prospektinin kəsişməsində müşahidə olunur. Adıçəkilən ərazidə yolun təmirə ehtiyacı var.
Sakinlərin sözlərinə görə, bir müddət öncə burada qazıntı işləri aparılıb. Lakin işlər bitdikdən sonra asfalt örtüyü bərpa edilməyib. Bu səbəbdən analoji vəziyyət avtomobillərə ziyan vurur və sürücülərin idarəetmələrinə maneə törədir, həmçinin qəza şəraiti yaranır.
