Gəncədə kəsişmələrin birində nasaz işıqfor avtomobillərə təhlükə yaradır. Bu haqda Gencexeber.az-a 1 avqust tarixində məlumat daxil olub.
Söhbət Mirzə Abbas Abbaszadə küçəsi ilə Nəriman Nərimanov prospektinin kəsişməsindən gedir. Burada yerləşən işıqfor nasaz vəziyyətdədir.
Sürücülərin sözlərinə görə, bir neçə gündür hərəkət tənzimləyicisinin qırmızı işığı işləmir. Bu da sürücülərin çaşqınlığına səbəb olur. Onlar bildiriblər ki, sözügedən vəziyyət səbəbindən yolda qəzalar baş verib. Sakinlər problemin aradan qaldırılmasını arzu edirlər.
