Şirvandan olan bir qrup gənc Gəncəyə səfər edib. Bu haqda 8 iyul tarixində Heydər Əliyev Mərkəzinə istinadən məlumat veririk.
Şirvan Gənclər Evinin əməkdaşları və bir qrup gənc şəhərimizin qonağı olub. Onlar Heydər Əliyev Mərkəzinə ekskursiya ediblər. Qonaqlara məlumat verilərək bildirilib ki, Mərkəzin birinci mərtəbəsində fəaliyyət göstərən Heydər Əliyevin Xatirə Muzeyi ulu öndərin keçdiyi zəngin həyat yolu və çoxşaxəli fəaliyyətini əks etdirir. Burada ümummilli liderin Gəncəyə müxtəlif illərdə tarixi səfərlərini əks etdirən fotostendlər, kitablar, qəzetlər və İlham Əliyevin Nizami yurduna göstərdiyi diqqət və qayğını əks etdirən eksponatlar nümayiş olunur.
Qonaqlar Mədəniyyət Nazirliyinin dəstəyi və Gəncə Regional Mədəniyyət İdarəsinin təşkilatçılığı ilə Mərkəzdə nümayiş etdirilən “Ümummilli lider Heydər Əliyev və Azərbaycan Mədəniyyəti 100” adlı sərgiyə də baxıblar.
