Gəncədə gənclər üçün forum keçiriləcək. Bu haqda 17 fevral tarixində “Gələcək Naminə” İctimai Birliyinə istinadən məlumat veririk.
“I Regional Gənclər və Turizm" forumu “Gələcək Naminə” İctimai Birliyinin təşkilatçılığı, YAP Gəncə şəhər Təşkilatı, Gənclər və İdman Baş İdarəsinin dəstəyi, Gəncə Destinasiya Menecmenti Təkilatının tərəfdaşlığı ilə baş tutacaq. Tədbir 20 fevral tarixində saat 14:00-da YAP Gəncə şəhər Təşkilatında keçiriləcək.
Məqsəd ölkənin turizm potensialından istifadə imkanlarını öyrənmək, regionların sosial-iqtisadi inkişafında turizm sektoru vasitəsilə gənclərin rolunu artırmaq, bu sahədə yeni kadrların formalaşmasına şərait yaratmaq, gəncləri bir araya gətirərək turizm və onun yeni sahələri istiqamətində əməkdaşlıq perspektivlərini genişləndirmək, yeni ideyaların mübadiləsinə və uğurlu təcrübələrin geniş tətbiqinə nail olmaqdır.
Tədbirdə 500 nəfərdən artıq gəncin iştirakı nəzərdə tutulub.
