Bu gün şəhid Sadiq Qurbanovun doğum günüdür.
Sadiq Fikrət oğlu Qurbanov 16 mart 1973-cü ildə Gəncədə anadan olub. 25 saylı orta məktəbin 8-ci sinfini bitirdikdən sonra sürücülük peşəsinə yiyələnib. 1991-ci ildə Moskva şəhərində həqiqi hərbi xidmətdə olub. Milliyətcə erməni olan komandiri onu çox incitdiyinə görə o, hərbi hissəni tərk edib Gəncəyə dönmüşdü. Burada hərbi polis dəstəsinə qoşularaq bir müddət Hacıkənddə təlim keçdikdən sonra döyüş bölgəsinə yollanıb.
Sadiq 773 saylı hərbi hissənin tərkibində vuruşub. Sadiq Fikrət oğlu Qurbanov 17 avqust 1992-ci ildə Hadrut uğrunda gedən döyüşlərdə ağır yaralanıb. Cəbhə dostları tərəfindən Bakı şəhər hərbi hospitalına aparılsa da, həkimlərin səyinə baxmayaraq, həmyerlimizin həyatını xilas etmək mümkün olmayıb.
