Bu gün şəhid İlqar Kazımovun doğum günüdür.
Kazımov İlqar Nazim oğlu 28 dekabr 1996-cı ildə Gədəbəy rayonunda anadan olub. 2012-ci ildə Gəncə şəhər 17 nömrəli tam orta məktəbdə 9 illik təhsilini başa vurduqdan sonra 2 nömrəli Peşə liseyinə (indiki Sənaye və Texnologiyalar üzrə Gəncə Dövlət Peşə Təhsil Mərkəzi) qəbul olunub. Lakin təhsilini yarımçıq qoyaraq, həqiqi hərbi xidmətə yollanıb.
2018-ci ildə Kazımov həqiqi hərbi xidmətə yollanıb. 2019-cu ildə 2 nömrəli Peşə liseyini bitirib. Vətən müharibəsi zamanı o, yenidən hərbi xidmətə çağırılıb.
Kazımov İlqar Nazim oğlu 9 noyabr 2020-ci ildə Laçın dəhlizi uğrunda gedən döyüşlərdə şəhidlik zirvəsinə ucalıb. 14 noyabr tarixində isə Gəncə şəhərinin Şəhidlər xiyabanında dəfn olunub.
