Bu gün şəhid Ələmdar Abdullayevin doğum günüdür.
Ələmdar Abdulla oğlu Abdullayev 25 iyul 1955-ci ildə Qərbi Azərbaycanın Kilsə kəndində anadan olub. Kilsə kənd orta məktəbini bitirdikdən sonra, 1973-1975-ci illərdə sovet ordusu sıralarında xidmət edib. Qayıtdıqdan sonra yaşadığı kənddə təsərrüfatla məşğul olub.
1988-ci ildə o, üç övladı ilə birlikdə Gəncə şəhərinə köçüb. Burada bir müddət İstilik Mərkəzində işləyib.
I Qarabağ müharibəsi zamanı könüllü olaraq cəbhəyə yollanıb, 709 saylı hərbi hissənin tərkibində vuruşub. Buzluq, Mənəş, Todan, Çaykənd döyüşlərində iştirak edib. Sonradan onu Ağdam və Tərtər rayonlarının müdafiəsinə yollayıblar.
Ələmdar Abdulla oğlu Abdullayev 13 avqust 1993-cü ildə Ağdam uğrunda gedən döyüşlərdə ağır yaralanaraq şəhidlik zirvəsinə ucalıb.
