Bu gün şəhid Elşad Mahmudovun doğum günüdür.
Elşad Suliddin oğlu Mahmudov 12 iyul 1997-ci ildə Gəncədə anadan olub. 2014-cü ildə 7 nömrəli tam orta məktəbi bitirib. Həmin il ADAU-nun “Mühasibat uçotu və audit” ixtisasına qəbul olunub, 2018-ci ildə təhsilini başa vurub.
2018-ci ildə hərbi xidmətə çağırılıb, Naxçıvan Muxtar Respublikasında xidmət edib. Vətən müharibəsi zamanı Elşad yenidən ordu sıralarına daxil olub. O, Füzuli, Cəbrayıl və Laçın rayonlarının azadlığı uğrunda gedən döyüşlərdə vuruşub.
Elşad Suliddin oğlu Mahmudov 6 noyabr 2020-ci ildə Laçın rayonu uğrunda gedən döyüşlərdə şəhidlik zirvəsinə ucalıb. Növbəti gün Gəncə şəhərinin Şəhidlər xiyabanında dəfn olunub.
Şəhidimiz ölümündən sonra “Vətən uğrunda”, “Cəbrayılın azad olunmasına görə”, “Füzulinin azad olunmasına görə” və “Laçının azad olunmasına görə” medalları ilə təltif edilib.
